إزاي بروفايلك على لينكدان يشتغل لحسابك 24 ساعة يومياً ؟ .. هات اللابتوب بتاعك، و ورقة و قلم، قبل ما تقرا البوست دة .. و أعمله Save أضمن ...
إحنا اتكلمنا قبل كده عن "لينكدإن" ، و دايمًا كنت بحس إن أغلب اللي بيكتب عن الموضوع بيقول نفس الكلام .. أعمل صورة كويسة، حط هيدلاين يشد .. وسطرين عنك .. و غالبا كلهم عاملين إعادة صياغة لبوست قديم ليا، بس دة مش موضوعنا .
إحنا اتكلمنا قبل كده عن "لينكدإن" ، و دايمًا كنت بحس إن أغلب اللي بيكتب عن الموضوع بيقول نفس الكلام .. أعمل صورة كويسة، حط هيدلاين يشد .. وسطرين عنك .. و غالبا كلهم عاملين إعادة صياغة لبوست قديم ليا، بس دة مش موضوعنا .
"لينكدان" أكبر بكتير من مجرد profile .. إحنا بنتكلم عن أقوى أداة في العالم بتشتغل لحسابك وأنت نايم وأنت صاحي وأنت في القهوة وأنت بتتخانق مع صاحبك وأنت بتتفرج على ماتش .. platform شغالة ٢٤ ساعة لصالحك .. بس السؤال: إزاي؟
لينكدان مش سيرة ذاتية .. لينكدان سباق بين قصص الناجحين، أللي بيكسب د مش أللي معاه شهادات أكتر ولا أللي بيشيل فوق دماغه ١٠٠٠ workshop .. اللي بيكسب أللي بيحط نفسه قدام الناس في المكان الصح بالطريقة الصح .. وده أللي LinkedIn بيعمله لو أنت استخدمته صح .
والمفروض إنك تفهم إن أي حد بيدخل يشوفك على LinkedIn هو بيدور على narrative .. على حكاية .. مش على لقب وظيفي .. العقل البشري من أيام الكهف لحد دلوقتي بيحب يتعامل مع القصص .. مش المعلومات .. القصة أللي بتعلق في دماغك مش إن في حد إسمه أحمد مدير مبيعات .. لا، القصة إن أحمد بدأ في sales من call center بـ ١٥٠٠ جنيه وبيشتغل ١٢ ساعة وبيتخانق مع مديره أللي بيأخد credit عليه وبعدين قرر يقفش أول فرصة، وأشتغل على personal branding، وبدأ يبني لنفسه اسم .. وأهو النهاردة مدير مبيعات إقليمي في شركة عالمية .. القصة دي أللي هتعيش .. LinkedIn بيدي لك المسرح تحكي القصة دي .. بس تعال نقول بقى إزاي تظبط الprofile .. أصلها مش ذكاء صناعي يا بروفيشنال .
أول حاجة: الصورة .. مهو مش معقول هتبقى صاحب قصة عظيمة وحاطط صورة مبكسلة مش باينة أو selfie .. دماغ البشر بتأخد انطباع في ٠.٣ ثانية .. دماغك بتحدد تصدق الشخص ده ولا لأ .. تحترمه ولا لأ .. تخاف منه ولا لأ .. في لحظة .. فصورتك لازم تكون احترافية .. بص على صور LinkedIn بتاعة الناس أللي بتشتغل في جوجل وميكروسوفت، هتفهم أنا بتكلم عن إيه ..
تاني حاجة: ال headline .. الناس فاكرة إنه لازم يكون مسمى وظيفي .. مع إنه عندك ٢٢٠ حرف ممكن تحط فيهم الحكاية بتاعتك .. تحط ال promise أللي بتقدمه .. زي مثلاً بدل ما تكتب HR Manager .
أكتب Helping Companies Build Happy, Productive Teams | Talent Acquisition & Culture Architect | Career Coach .. ال headline ده هيشتغل مكانك .. يظهر في searches، يجذب recruiters، يجيب leads .
تالت حاجة: ال About .. ودي بقى حتة storytelling .. محدش عايز يعرف أنت بتشتغل إيه .. الناس عايزة تعرف أنت ليه بتعمل كده .. إيه الهدف بتاعك .. أللي ربنا خلقك عشانه .. فأنت في about section حط القصة بتاعتك .. من أول حاجة صغيرة بدأت منها لحد دلوقتي .. أحكي رحلة، حط challenges، حط turning points، اعترف إنك غلطت، أحكي إنك تعبت، الناس بتنجذب لل vulnerability أكتر من القوة .. و دي حاجة اسمها the pratfall effect بس مش هتكلم عنها دلوقتي .
رابع حاجة: هي ال featured section .. أغلب الناس سايباه فاضي .. وده يعتبر billboard إعلاناتك .. حط فيه post viral كتبته .. video لحديث ليك .. link لموقعك .. article على medium .. أي حاجة بتبين شخصيتك أو خبرتك .. حتى صورة certificate لو ليها قيمة. انا مثلاً حاطط فيه بودكاست ٣ ساعات فيه كل الخطوات أللي انت ممكن تحتاجها علشان الوظائف هي اللي تدور عليك .. (خلاصة الخلاصة اتمنى تشوفه .. ) .
خامس حاجة: recommendations .. فيه كتاب كامل اسمه influence لـ روبرت سيالديني بيقول إن الـ social proof من أقوى أدوات التأثير .. لما واحد بيقول عليك كلمة حلوة قدام الناس، تأثيرها أقوى من إعلانك عن نفسك .. فابعت لزمايلك ومديرينك و clients قدام وحاليين .. أطلب منهم recommendation .. وابدأ بنفسك .. اكتب للناس هما هيكتبوا لك .. ( جمعية و دايرة .. ) .
سادس حاجة: "لينكدان" يعني Networking ثم بعدها أي حاجة تاني، أنت محتاج تدخل تعمل حاجة فيه كل يوم تخليك تتشاف لناس جديدة .. اتفاعل، أكتب، علق .. أبدأ conversations .. share knowledge .. أعمل connections مع الناس في مجالك، ومع decision makers، ومع أي حد ممكن تتعلم منه .. القاعدة البسيطة بتقول كل يوم ابعت ٥ invites .. تفاعل على ٥ posts .. و أكتب post واحد .. على مدار السنة .. هتلاقي نفسك بقيت اسم معروف.. و أسأل عليا يقولولك كان بيعمل ريتش ٢٠٠ مليون بني آدم بيشوفوا بوستاته في السنة من غير إعلانات بس العين و الريبورتات بتاعت ولاد ال ... فلقت الحجر 😂
سابع حاجة: المحتوى .. الكتاب العظيم building a storybrand لـ دونالد ميلر بيقول إن الجمهور بيدور على نفسه جوا المحتوى .. مش عليك .. فلو هتكتب عن نفسك، خليهم هما الأبطال مش إنت .. أحكي أزاي client عدّى من مشكلة.. إزاي team member اتطور.. إزاي market اتغير .. دايما إدي value .. knowledge، insight، معلومة جديدة، خبر موثوق .. وخلي شخصيتك تبان في كتابتك .. بلاش تكون جيمس بوند بزيادة ولا تمون هزلي زيادة .. خليك روييييح. الناس مش عايزة بوستات ChatGPT أللي بيوزعوها على بعض .. الناس عايزاك تكون حقيقي .
ثامن حاجة: و هي ما يهمله الكثيرون ، الhashtags .. حاجة ناس كتير بتستهين بيها .. بس research linkedin بيقول إن ال post أللي بيستخدم ٣-٥ hashtags صح بيوصل أكتر بكتير .. حط hashtags مرتبطة بمجالك وبالموضوع أللي بتتكلم عنه.
تاسع حاجة: حرص إن كل update يحصل في شغلك يبقى reflected عندك .. ترقية، شهادة، مشروع كبير، مشاركة في event .. document كل ده .. الناس بتحب تتابع النجاح التدريجي .. مش النهائي .. ولا هيقولوا انك بتغسل اموال.
كل حركة بتعملها على LinkedIn بتسيب أثر .. كل like، كل comment، كل connection .. وكل post مكتوب .. انت متعرفش مين هيشوف إيه .
خد بالك بقا من المعلومة دي .. LinkedIn algorithm بيحب ال native content أكتر من ال shares .. وبيحب الفيديو أكتر من ال images .. وبيحب long post أكتر من ال short .. وبيحب إنك تكتب بلغة جمهورك .. فلما تكون مصري .. اكتب بالعربي أو English سهل .. مش English معقدة .
والأجمل.. إنك لو فهمت تحط نفسك قدام الناس بطريقة صح.. هتلاقي الشغل بيجيلك من LinkedIn وأنت نايم حرفياً.. وظايف بقا على مشروعات على فرص و شراكات .. الميكس اللي بتتمناه في حياتك المهنية
حابب بقا تعمل Personal Branding على لينكدان، فكر في مين اللي هيعملهولك.. افتكر الآية دي "قُلْ هَلْ يَسْتَوِي الَّذِينَ يَعْلَمُونَ وَالَّذِينَ لا يَعْلَمُونَ"...
Osama Shaaban Qotb
Wolf of LinkedIn
** مؤثر على منصة لينكدإن | خبير توظيف | صانع فعاليات
ليست هناك تعليقات:
إرسال تعليق